logo3.gif (702 bytes)

HOME


බටහිර විද්‍යාව බුදුදහම මෙන් ජනප්‍රිය නො වීම

මාක්‌ස්‌වාදය පමණක්‌ නො ව ඕනෑ ම දැනුමක්‌ හෝ පළල් වශයෙන් ගත් කල සංස්‌කෘතියක්‌ හෝ යම්කිsසි සංස්‌කෘතියක මුල් බැස ගැනීමට එනම් එක්‌කෝ එම සංස්‌කෘතියෙහි එයට සූදානමක්‌ තිබිය යුතු ය. එසේත් නැත්නම් අදාළ දැනුම හෝ සංස්‌කෘතිය හෝ එම සංස්‌කෘතියට බලහත්කාරයෙන් ඇතුළු කළ යුතු ය. එහෙත් එසේ බලහත්කාරයෙන් ඇතුළු කළ ද දශක කිහිපයකින් එය එම සංස්‌කෘතියෙන් ගිලිහී යා හැකි ය. ලෙනින් රුසියාවට එනම් රුසියාවේ තිබූ ග්‍රීක ඔතොඩොක්‌ස්‌ සංස්‌කෘතියට මාක්‌ස්‌වාදය හඳුන්වා දුන්නේ බාහිර ව ය. ගුණදාස අමරසේකර මහතා උපුටා දක්‌වන බටහිර ලේඛකයා කියන ආකාරයට මෙන් නො ව ලෙනින් මාක්‌ස්‌වාදය රුසියානු ජාතික චින්තනය හෙවත් රුසියාවේ තිබූ ග්‍රීක ඔතොඩොක්‌ස්‌ චින්තනය තුළට නො ගත්තේ ය. ඔහු එසේ මාක්‌ස්‌වාදය රුසියානු ජාතික චින්තනය තුළට ගත්තේ නම් අවුරුදු හැත්තෑවකින් පමණ පසුව මාක්‌ස්‌වාදී සමාජවාදය රුසියාවෙන් තුරන් නො වනු ඇත.

ලෙනින් ගොවීන් හැඳින්වූයේ අල ගෝනි ලෙස ය. මාක්‌ස්‌වාදය අනුව ධනේශ්වරය පෙරළා දමන ඊනියා විප්ලවයට නායකත්වය දෙන්නේ කම්කරු පංතිය ය. එහෙත් කම්කරු පංතියට විවිධ ඓතිහාසික හේතු නිසා එම පංතියෙන් ම නායකත්වය සොයාගත නො හැකි ය. එබැවින් කම්කරු පංතියට නායකත්වය පිටින් ගෙන යා යුතු විය. ලෙනින් වැනි බුද්ධිමතුන් කළේ එසේ කම්කරු පංතියට පිටින් නායකත්වය ගෙන යැම ය. ලෙනින් වැන්නෝ රුසියාවේ ඊනියා කම්කරු පංතිය ගැන මිස ගොවියන් ගැන අවධානය යොමු නො කළ හ. ලෙනින් වැන්නන්ට ගොවියෝ සුළු ධනේශ්වරයට අයත් වූ හ. ඔවුන්ට ගොවියන් පහසුවෙන් සංවිධානය කරගැනීමට නොහැකි අල ගෝනි වීම පුදුමයක්‌ නො වේ.

එහෙත් රුසියාවේ ග්‍රීක ඔතොඩොක්‌ස්‌ සංස්‌කෘතියෙහි හා චින්තනයෙහි හරය තිබියේ රුසියන් ගොවීන් සතු ව ය. ලෙනින් මාක්‌ස්‌ට වඩා ගොවියන් ගැන සැලකිලිමත් වූ නමුත් වඩා විශ්වාසය තැබුවේ පීටර්ස්‌බර්ග් නගරයෙහි හා වෙනත් නගරවල කම්කරුවන් කෙරෙහි ය. ඊනියා පළමුවැනි ලෝක යුද්ධය අවසාන වීමෙන් පසුව සාර් අධිරාජ්‍යය දුර්වල වීමත් රාජ්‍ය බලය ලබාගැනීමට වෙනත් කණ්‌ඩායමක්‌ නො සිටීමත් යන කරුණු හේතු කොටගෙන ලෙනින් ගේ බෝල්ෂෙවික්‌ පක්‍ෂයට රුසියාවේ බලයට පත් වීමට හැකි විය. එය කිසිසේත් ම පුළුල් ජන සහභාගිත්වයකින් අත් කරගත් බලයක්‌ නො වී ය. රුසියාවේ ඈත ගම් දනව්වල ජනයා රාජ්‍ය බලය මාරු වීම ගැන නො දැන සිටියේ ය යන්න අතිශයෝක්‌තියක්‌ නො වේ.

ලෙනින් ගෙන් පසුව ස්‌ටැලින් බලයට පත් වූයේ වඩා හොඳ මාක්‌ස්‌වාදියා වූ ට්‍රොට්‌ස්‌කි පරාජය කරමිනි. මාක්‌ස්‌වාදය රුසියාවේ මුල් බැසගෙන තිබිණි නම් ස්‌ටැලින් වැන්නකුට කිසි දිනෙක රුසියාවේ හා සෝවියට්‌ දේශයේ බලයට පත් වීමට ඉඩක්‌ නො තිබිණි. ඔහු මාක්‌ස්‌වාදයේ විකෘතියක්‌ වූ ලෙනින් ස්‌ටැලින්වාදය රුසියාවේ හා කෘත්‍රිම වූ සෝවියට්‌ දේශයේ බලයෙන් පවත්වාගෙන ගියේ ය. ඔහු ගේ යකඩයකු මෙන් වූ චරිතය ද එහි දී බලපෑවා නිසැක ය. ස්‌ටැලින් යන නම ඔහුට ලැබුණේ මවුපියන් ගෙන් නො ව පක්‍ෂයෙනි. එහි අරුත යකඩයා යන්න විය. ඔහුට ඒ නම ලැබුණේ ම ඔහු ගේ යකඩයකු වැනි චරිතය හේතු කොටගෙන ය.

ස්‌ටැලින් මිය යැමෙන් පසුව සෝවියට්‌ දේශයේ අභාවය ද ඇරඹිණි. එරටට බලහත්කාරයෙන් පටවනු ලැබූ ලෙනින් ස්‌ටැලින්වාදය තවදුරටත් එහි ක්‍රියාත්මක කිරීම ප්‍රශ්නයක්‌ විය. සෝවියට්‌ දේශයේ කඩාවැටීමට අවශ්‍ය වූයේ එක්‌ තල්ලුවක්‌ පමණකි. ඒ තල්ලුව ලෙනින් ස්‌ටැලින්වාදය බලයෙන් පැටවූ තවත් රටක්‌ වූ පෝලන්තයෙන් ලැබුණේ ය. එයට පෙර යුගොස්‌ලේවියාවේ හා චෙකොස්‌ලොවේකියාවේ දෙදරීම් ඇති වී තිබිණි. මේ දෙදරීම් ලෙනින් ස්‌ටැලින්වාදයට මෙන් ම මාක්‌ස්‌ ට්‍රොට්‌ස්‌කිවාදයට ද එරෙහි ව ගිය මුත් ලෝ පුරා ට්‍රොට්‌ස්‌කිවාදීන් එකල සිතා සිටියේ ඒ දෙදරීම්වල ප්‍රතිඵලයක්‌ ලෙස ඒ රටවල් මාක්‌ස්‌ ට්‍රොට්‌ස්‌කිවාදය දෙසට ගමන් කරනු ඇති බව ය.

පෝලන්තය කතෝලික චින්තනයේ රටක්‌ විය. වැවෙන්සා නම් කතෝලික බැතිමතකු පෝලන්ත වෘත්තීය සමිති බලවතකු වීමෙන් පසුව පාප් වහන්සේ ගේ ද ආශිර්වාදයෙන් හා අනුග්‍රහයෙන් පෝලන්තය මත ඊනියා දෙවැනි ලෝක යුද්ධයෙන් පසුව රතු හමුදාව යොදා ගනිමින් බලයෙන් පටවනු ලැබු ලෙනින් ස්‌ටැලින්වාදය හා ඒ මත ගොඩන`ගනු ලැබූ ඊනියා සමාජවාදී රාජ්‍ය වැල්ලේ තැනූ සෙල්ලම් ගෙයක්‌ මෙන් කඩා වැටුණේ ය. එය නැෙ`ගනහිර යුරෝපයේ සෙසු රටවලට හා නැෙ`ගනහිර ජර්මනියට පැතිර යැමේ ප්‍රතිඵලය වූයේ ඒ සියලු රටවලට ආගන්තුක වූ චින්තනයත් සෝවියට්‌ දේශයත් කඩා වැටීම ය. අද නැෙ`ගනහිර ජර්මනිය බටහිර ජර්මනිය සහ එක්‌ වී ඒකාබද්ධ ජර්මනියක ග්‍රීක යුදෙවු ක්‍රිස්‌තියානි චින්තනයෙහි හා යුදෙවු ක්‍රිස්‌තියානි සංස්‌කෘතියෙහි රටක්‌ ලෙස නැ`ගී සිටීමට උත්සාහ කරන මුත් ලෝකයෙහි ම එම චින්තනය හා සංස්‌කෘතිය කඩාවැටීම හමුවේ සෙසු යුරෝපීය රටවල් සමග අර්බුදයකට මුහුණ පා ඇත.

අද නැෙ`ගනහිර යුරෝපීය රටවල් විසිරී යන තත්ත්වයකට පත් වී ඇති අතර චින්තන පිළිබඳ අර්බුදයකට මුහුණ පා ඇත. ලෝකයේ හොඳ ම වියුක්‌ත චින්තකයන් ඇත්තේ මේ රටවල යුදෙවුවන් අතර වුව ද ඔවුන්ට අද ඇමෙරිකාවේ කුලීකාර ගණිතඥයන් හා වෙනත් බටහිර විද්‍යාඥයන් වීම හැරෙන්නට වෙනත් විකල්පයක්‌ ඉතිරි වී නැත. නැෙ`ගනහිර යුරෝපීය රටවලට තමන් ගේ චින්තනයක්‌ මත පදනම් ව තම සංස්‌කෘතියක ජීවත් වීමට ඉඩ නො දීමේ පාප කර්මය ස්‌ටැලින් ගේ සෝවියට්‌ දේශයට මෙන් ම ඇමෙරිකාවට ද අයත් වෙයි.

ශ්‍රී ලංකා විද්‍යාභිවර්ධන සංගමය බටහිර විද්‍යාව ජනප්‍රිය කිරීම සඳහා විශාල ප්‍රයත්නයක්‌ දරයි. ඔවුහු බටහිර විද්‍යාව වෙනුවෙන් ඒ හා තරමට ම කැප වී සිටිති. මා දැනුම ආධ්‍යාත්මික ව ලබාගත හැකි යෑයි කී විට ඔවුහු ඊනියා විද්‍යාත්මක ක්‍රමයක්‌ මත පිහිටමින් මට අපහාස කළ හ. මට විරුද්ධ ව ප්‍රකාශ නිකුත් කිරීමට තරම් ඉදිරිපත් වීමෙන් ඔවුහු තමන් බටහිර විද්‍යාව වෙනුවෙන් දාසයන් ලෙස කැප වී ඇති ප්‍රමාණය පෙන්නුම් කළ හ. එහෙත් මොවුන් කිසි දිනෙක කල්පනා නො කරන ප්‍රශ්නය නම් ඔවුන්ට බටහිර විද්‍යාවේ කේන්ද්‍රයෙහි දැනුම නිර්මාණය කිරීමට නොහැක්‌කේ ඇයි ද යන්නත්, ඔවුන්ට ලෝකයට නව දැනුමක්‌ සැපයිය නොහැක්‌කේ ඇයි ද යන්නත් ය.

ශ්‍රී ලංකා විද්‍යාභිවර්ධන සංගමය කෙතෙක්‌ උත්සාහ දැරුව ද ඔවුන්ට බටහිර විද්‍යාව ලංකාවේ ජනප්‍රිය කළ නො හැකි ය. ඔවුන්ට කළ හැක්‌කේ බටහිර විද්‍යාව තව තවත් පාසල්වල ඉගැන්වීමට කටයුතු කිරීම පමණ ය. එහෙත් ඔවුන් ඇතත් නැතත් බටහිර විද්‍යාව පාසල්වල ඉගැන්වෙනු ඇත්තේ මෙරට බොහෝ දරුවනට මේ සමාජ ක්‍රමය යටතේ රැකියාවක්‌ ලබාගැනීමට තවමත් බටහිර විද්‍යාව ඉගෙනීම ප්‍රයෝජනවත් වන බැවිනි.

මේ ශිෂ්‍යයන් ගෙන් බොහෝ දෙනකු පාසලේ දී බටහිර විද්‍යා විෂය හදාරන්නේ බටහිර වෛද්‍යවරුන් හෝ බටහිර ඉංජිනේරුවන් වීමේ අභිලාෂයෙනි. අප පාසල් වියේ පසු වන විට ඉතා සුළු පිරිසක්‌ බටහිර විද්‍යාඥයන් වීමේ අරමුණෙන් බටහිර විද්‍යා විෂය හැදෑරු නමුත් අද එවැන්නන් දැකගන්නට නැත. අද ලංකාවේ විශ්වවිද්‍යාලවල බටහිර වෛද්‍ය හෝ බටහිර ඉංජිනේරු හෝ පීඨවල හැර බටහිර විද්‍යාව පදනම් කරගත් අනෙක්‌ පීඨවල උගන්වන කථිකාචාර්යවරුන් ගෙන් හා මහාචාර්යවරුන් ගෙන් අතිවිශාල බහුතරය බටහිර වෛද්‍ය පීඨයකට හෝ බටහිර ඉංජිනේරු පීඨයකට හෝ ඇතුළු වීමට නොහැකි ව අදාළ පීඨවලට ඇතුළු වූ අය වෙති. ශ්‍රී ලංකා විද්‍යාභිවර්ධන සංගමයේ සාමාජිකයන් ගෙන් අතිමහත් බහුතරයට ද එලෙස බටහිර වෛද්‍ය හෝ බටහිර ඉංජිනේරු හෝ පීඨයකට ඇතුළු වීමට නොහැකි වී ඇත.

එකල බටහිර විද්‍යාඥයන් වීමේ අරමුණෙන් පාසලේ දී බටහිර විද්‍යාව හැදෑරූ කිසිවකුට ද හරිහමන් බටහිර විද්‍යාඥයකු වීමට නොහැකි වී ඇත. එය එසේ වූයේ ඇයි? මේ ඇතැමකු බටහිර විශ්වවිද්‍යාලවල මහාචාර්යවරුන් බවට පත් වී සිටීමෙන් ඔවුන් හරිහමන් විද්‍යාඥයන් වී ඇතැයි නො කියෑවෙයි. ආචාර්ය උපාධියක්‌ ලබාගැනීම, මහාචාර්යවරයකු වීම ආදිය හා හරිහමන් බටහිර විද්‍යාඥයකු වීම අතර ඇත්තේ අහසට පොළොව වැනි පරතරයකි.

මෙරට බටහිර විද්‍යාව රැකියා සම්බන්ධයෙන් හැර ජනප්‍රිය නො වෙද්දී බුදුදහම ජනප්‍රිය වූයේ ඇයි? ඇතැම් පඬියන් කියන්නේ දේවානම් පියතිස්‌ස රජු ගෙන් හා පසුව අනෙක්‌ රජවරුන් ගෙන් රාජ්‍ය අනුග්‍රහ ලැබුණු බැවින් බුදුදහම මෙරට ජනප්‍රිය වූ බව ය. ඒ රජවරුන් ගේ අනුග්‍රහය මිහිඳු හිමියන් ම`ගින් අපට ලැබුණු තුන්වැනි සංගායනාවේ බුදුදහමට ලැබෙන්නට ඇත. එහෙත් මෙරට බුදුදහම පැතිරී ගියේ ඒ නිසා ද? එසේ නම් පෘතුගීසීන් ගේ ලන්දේසීන් ගේ හා ඉංගිරිසින් ගේ ද පසුව ඊනියා ලාංකික රාජ්‍ය පාලකයන් ගේ ද රාජ්‍ය අනුග්‍රහ ලැබූ ක්‍රිස්‌තියානි/කතෝලික ආගම් අවුරුදු පන් සියයක පමණ කාලයක දී එතරම් පැතිර නො ගියේ ඇයි? එමෙන් ම දැන් රාජ්‍ය අනුග්‍රහ ලබමින් ද බටහිර විද්‍යාව මෙරට ජනප්‍රිය නො වන්නේ ඇයි?

බුදුදහම සම්බන්ධයෙන් වැරැදි මත රාශියක්‌ රටේ ප්‍රචලිත ව ඇත. ඒ අනුව මිහිඳු හිමියන් මෙරටට වැඩම කිරීමට පෙර මෙරට බෞද්ධයෝ නො සිටිය හ. බුදුන් වහන්සේ මෙරටට වැඩම කිරීමේ එක්‌ අරමුණක්‌ වූයේ යක්‍ෂයන් මෙරටින් ගිරි දිවයිනට පලවා හැරීම ය. මේ ඇතැම් මත ජනප්‍රවාදයේ තිබී වංසකතාවලට ද රිංගාගෙන ඇති බව පෙනෙයි. එහෙත් පළමුවෙන් ම බුදුන්වහන්සේ කිසි ම දවසක කිසි ම පිරිසක්‌ උන්හිටි තැන්වලින් පලවා හරී වි යෑයි කිසිසේත් සිතිය නො හැකි ය. එය කිසිසේත් ම විය නොහැක්‌කකි.

මේ සම්බන්ධයෙන් වැදගත් තොරතුරු රාශියක්‌ පූජ්‍ය මානෑවේ විමලරතන හිමිපාණන් වහන්සේ ලියා පළ කර ඇති "යක්‍ෂ ගෝත්‍රිකයන් ගේ අප්‍රකට තොරතුරු" නම් කෘතියෙහි අඩංගු වෙයි. උන්වහන්සේට අනුව මෙරටට බුදුන් වහන්සේ යක්‍ෂ ගෝත්‍රික පාලිකාවක ගේ ආරාධනයෙන් ද වැඩම කර ඇත. ඒ අවස්‌ථාවේ දී මෙරට භික්‍ෂු හා භික්‍ෂුණී ශාසන ආරම්භ වී ඇති අතර ඒ යක්‍ෂ ගෝත්‍රික භික්‍ෂුන් වහන්සේ හා භික්‍ෂුණීන් වහන්සේ ගෙන් සමන්විත වී ඇත. මේ කරුණු උන්වහන්සේට ලැබී ඇත්තේ යක්‍ෂ ගෝත්‍රිකයන් ගේ කෘතියක්‌ වූ වර්ගපූර්ණිකාව නමැති ග්‍රන්ථයෙනි.

බුදුන් වහන්සේ මෙරටට වැඩම කිරීමෙන් පසුව කිසිවකු පැවිදි නො වී යෑයි යම් අයකු පවසන්නේ නම් ඒ බුදුන් වහන්සේට කරන අගෞරවයකි. බුදුන් වහන්සේ මෙරට පැවිදි කළ අය ගෙන් කිසියම් පිරිසක්‌ රහත් ඵලයට පැමිණි බව ද යක්‍ෂ ගෝත්‍රිකයන් ගේ අප්‍රකට තොරතුරු කෘතියෙහි දැක්‌වෙයි. ඒ රහතන් වහන්සේ හා අනෙක්‌ භික්‍ෂුන් වහන්සේ දැනගෙන සිටින්නට ඇත්තේ සංගායනාවලට පෙර පැවැති බුදුදහම ය. ඇතැම් විට පසුව දෙවැනි සංගායනාව දක්‌වා සිදු වූ දේ ද ඒ පරම්පරාවේ භික්‍ෂූන් වහන්සේ දැන සිටින්නට ඇත. අපි ඒ භික්‍ෂූ පරම්පරාවට හෙළ විහාර පරම්පරාව යෑයි කියමු. මිහිඳු මා හිමියෝ මෙරටට තුන්වැනි සංගායනාවෙන් පසු බුදුදහම හඳුන්වා දී මහාවිහාර පරම්පරාව පිහිටුවූ හ.

නලින් ද සිල්වා